11 Setyembre 2013 - Ang Tanggapang Konsular na Panrehiyon  ng Lucena  ay nagdiwang ng  Buwan ng Wikang Pambansa sa pamamagitan  ng  pagkaroon ng  tagisan sa pagkatha ng sawikain sa mga kawani, opisyal at myembro ng kanilang pamilya  at sa paggamit ng wikang Filipino habang nagsasagawa ng serbisyo konsular sa buong buwan ng Agosto.

Ang pagbibigay ng  parangal sa nanalong lahok sa pagkatha sa sawikain ay ginanap  noong  ika-30 ng Agosto   kung saan ay  napiling Unang Gantimpala ang  sawikain na nakatala sa ibaba na isinumite ni Bb. Sabina C. Moreno.

Wika nati’y ating linangin at pagyamanin

Sa serbisyong may ngiti, ito’y ating gamitin

Daang matuwid ay palagi nating tahakin

Upang kaunlaran ng bayan ay ating kamtin

Nagwagi din sina G. Dee Jay J. Maog  (pangalawang gantimpala) at 3) Bb. Corazon Digna C. Moreno (pangatlong gantimpala) sa nabanggit na paligsahan.  Bukod  sa  mga  kawani ng Tanggapan ng Lucena, ang naturang okasyon  ay dinaluhan rin ng  Punong Tagapamahala ng Philippine Information Agency (PIA) ng probinsya ng Quezon na si G. Joselito M. Giron,  Education Program Supervisor in Charge sa Filipino  sa buong Quezon  na si G. Joseph I. Jarasa at District Statistic Officer ng National Statistic Office (NSO) na si Gng. Margarita G. Cada na  nagsilbing   hurado sa nasabing patimpalak. Bago ang pagbibigay ng parangal sa mga nagwagi ay nagkaroon  din ng maikling talakayan  tungkol sa wikang  Filipino sa pangunguna ni G. Jarasa. WAKAS