16 Hunyo 2015 - Pinangunahan ni Philippine Ambassador sa Myanmar Alex G. Chua ang pagtaas ng bandila sa Pasuguan ng Pilipinas sa Myanmar noong ika-12 ng Hunyo. Bahagi ang seremonya ng pagtaas ng bandila sa paggunita ng ika-117 taon ng Kasarinlan ng Pilipinas.

Inawit ng mga kawani ng Pasuguan at ilang miyembro ng This email address is being protected from spambots. You need JavaScript enabled to view it., ang organisasyon ng mga Filipinos sa Myanmar, ang Pilipinas kong Mahal bilang pagbigay-pugay sa kagitingan ng mga bayaning nagbuwis ng buhay para sa kasarinlan ng bansa. Nagkaroon din ng munting salu-salo sa Pasuguan matapos ang seremonya ng pagtataas ng bandila.

Ika-12 ng Hunyo 1898 ng iwinagayway ni Pangulong Emilio Aguinaldo ang bandila ng Pilipinas sa Kawit, Cavite, hudyat ng pagkakatatag ng Republika ng Pilipinas. WAKAS